|
 |
Námsbrautin Skógur og umhverfi veitir nemendum undirstöðuþekkingu í störfum sem lúta að skógrækt og umönnun umhverfis.
Meðal grunngreina eru grasafræði, dýrafræði, jarðvegs- og áburðarfræði, plöntuþekking, vistfræði og umhverfisfræði.
Fjallað er ítarlega um skógræktaráætlanir, umhirðu skóglendis, nýtingu skógarafurða, ræktun skjólbelta, mannvirki í náttúrunni og meðferð lífrænna auðlinda.
Garðyrkjufræðingar af braut skógar og umhverfis starfa við nýframkvæmdir og umhirðu skóga, sinna eftirliti, verkstjórn og fræðslu á sviði skógræktar og landgræðslu og aðstoða við rannsóknir. Námið nýtist vel sem undirbúningur háskólanáms í skóg-, umhverfis- og náttúrufræði.
Bóklegt nám fer fram á Reykjum og tekur fjórar annir. Verklegt nám fer fram á verknámsstöðum sem skólinn viðurkennir og er alls 72 vikur, þar af eru 60 vikur dagbókarskyldar.
Sjá Skógur og umhverfi - 76 einingar
Aðstaða á Reykjum |
|
|
|